મોંઘવારી, ઊંચા વ્યાજ દર અને અર્થતંત્રમાં સુસ્તીને કારણે લગભગ તમામ ક્ષેત્રોમાં સરેરાશ પગાર વધારો આ વર્ષે ઘટીને 9.1 ટકા થવાની શક્યતા છે. એક અભ્યાસમાં આનો અંદાજ લગાવવામાં આવ્યો છે.
બુધવારે જાહેર કરાયેલ કન્સલ્ટિંગ કંપની ડેલોઈટ ઈન્ડિયાના ‘ટેલેન્ટ સિનેરિયો 2023’ રિપોર્ટ અનુસાર, ગયા વર્ષે એટલે કે 2022માં પગારમાં સરેરાશ 9.4 ટકાનો વધારો થયો હતો. આ અભ્યાસ જાન્યુઆરી 2023માં સાત સેક્ટર અને 25 પેટા સેક્ટરમાં 300 સંસ્થાઓ વચ્ચે કરવામાં આવેલા સર્વે પર આધારિત છે.
અભ્યાસમાં જાણવા મળ્યું છે કે 2023માં લગભગ તમામ ક્ષેત્રોમાં વાસ્તવિક વેતન વૃદ્ધિ ગયા વર્ષની સરખામણીએ ઓછી રહેવાની શક્યતા છે. આ મુજબ, લાઈફ સાયન્સ સેક્ટરમાં ગયા વર્ષની સરખામણીએ આ વર્ષે સૌથી વધુ પગારવધારો થવાની ધારણા છે જ્યારે ઈન્ફોર્મેશન ટેક્નોલોજી (આઈટી) સેક્ટરમાં આ સમયગાળા દરમિયાન પગારવધારામાં મોટો ઘટાડો જોવા મળે તેવી શક્યતા છે.
વધુમાં, અભ્યાસ જણાવે છે કે દેશમાં કર્મચારીઓનો એટ્રિશન રેટ 2021માં 19.4 ટકાની સરખામણીએ 2022માં 19.7 ટકા સુધી પહોંચવાની ધારણા છે.
Deloitte Touche Tohmatsu India LLP (Deloitte India)ના પાર્ટનર આનંદરૂપ ઘોષે જણાવ્યું હતું કે, “મોંઘવારી, ઊંચા વ્યાજ દરો અને ધીમી અર્થવ્યવસ્થાને કારણે સંસ્થાઓ આ વર્ષે વધુ સાવધ રહેવાની શક્યતા છે. 2023માં ઇન્ક્રીમેન્ટ અને નોકરી છોડવાનો દર ઓછો થશે.
