રિલાયન્સ ઇન્ડસ્ટ્રીઝનો શેર શુક્રવારે 4.29 ટકા વધીને રૂ. 2,331 પર બંધ થયો હતો. જિયો ફાયનાન્સિયલ સર્વિસીસ બિઝનેસને ડીમર્જ કરવા માટે 2 મેના રોજ લેણદારો અને શેરધારકોની બેઠક યોજવામાં આવશે તેવું કંપનીએ જણાવ્યું હતું તેના એક દિવસ બાદ શેરમાં તેજી આવી છે.
કંપનીના આ પગલાથી માર્ચ 2022 સુધીમાં રૂ. 25,851 કરોડની નેટવર્થ સાથે નાણાકીય ક્ષેત્રમાં (NBFC સહિત) મોટી કંપનીનું નિર્માણ થશે.
RILના શેરે છેલ્લા ચાર મહિનામાં માર્કેટમાં ઓછું પ્રદર્શન કર્યું છે, જે BSE સેન્સેક્સમાં 8 ટકાના ઘટાડાની સરખામણીમાં 18 ટકા ઘટ્યું છે. 20 માર્ચે શેર રૂ. 2,180ની લગભગ 52 સપ્તાહની નીચી સપાટીએ પહોંચ્યો હતો. 29 એપ્રિલ, 2022ના રોજ શેર રૂ. 2,855ની સર્વકાલીન ઊંચી સપાટીએ પહોંચ્યો હતો.
શુક્રવારની મજબૂત તેજી બાદ રિલાયન્સ હવે 200-દિવસની દૈનિક મૂવિંગ એવરેજથી ઉપર પહોંચી ગઈ છે. આ સિવાય બીજી ઘણી બાબતોએ તેનો અભિગમ સકારાત્મક બનાવ્યો છે. આવી સ્થિતિમાં ટૂંકા ગાળામાં આ સ્ટૉક સકારાત્મકતા સાથે ઉપર તરફ જશે.
ડાઉનસાઇડ પર, રૂ. 2,285 પરનો 20-દિવસનો DMA તાત્કાલિક પ્રતિકાર તરીકે કામ કરશે, જેની નીચે મહત્ત્વનો ટેકો રૂ. 2,250 પર જોવા મળે છે.
