મહિન્દ્રા એન્ડ મહિન્દ્રાનું વેચાણ માર્ચમાં વાર્ષિક ધોરણે 21 ટકા વધીને 66,091 યુનિટ થયું હતું. કંપનીએ સોમવારે આ જાણકારી આપી. માર્ચ 2022માં કંપનીએ ડીલરોને 54,643 યુનિટ સપ્લાય કર્યા હતા.
કંપનીએ એક નિવેદનમાં જણાવ્યું હતું કે માર્ચમાં તેની યુટિલિટી વ્હીકલનું જથ્થાબંધ વેચાણ 31 ટકા વધીને 35,976 યુનિટ થયું છે. એક વર્ષ અગાઉના સમાન સમયગાળામાં તે 27,380 યુનિટ હતું. આ એક મહિના દરમિયાન કંપનીના યુટિલિટી વાહનોનું અત્યાર સુધીનું સૌથી વધુ હોલસેલ વેચાણ છે.
મહિન્દ્રા એન્ડ મહિન્દ્રાએ જણાવ્યું હતું કે તેણે ગયા મહિને 2,115 વાહનોની નિકાસ કરી હતી, જે એક વર્ષ અગાઉ 3,160 વાહનોની સરખામણીમાં 33 ટકા ઓછી છે. પાછલા નાણાકીય વર્ષમાં, કંપનીએ 3,56,961 યુટિલિટી વાહનોનું વેચાણ કર્યું હતું, જે 2021-22ના 2,23,682 યુનિટના આંકડા કરતાં 60 ટકા વધુ છે.
કંપનીના ઓટોમોટિવ સેગમેન્ટના પ્રમુખ વિજય નાકરાએ જણાવ્યું હતું કે, “માર્ચ 2023માં અમારો SUV બિઝનેસ 31 ટકા વધ્યો હતો અને તે પણ સર્વકાલીન ઉચ્ચ સ્તરે હતો. સારી માંગને કારણે 2022-23માં એકંદર વૃદ્ધિ 60 ટકા વધુ રહી છે.
