ટ્વિટરના નવા CEOએ ફરી એકવાર મોટો ફેરફાર કર્યો છે. આ વખતે ઈલોન મસ્કે ખુદ ટ્વિટરનો લોગો બદલ્યો છે. ટ્વિટરના લોગોમાંથી પક્ષી ગાયબ થઈ ગયું છે, હવે ટ્વિટરનો નવો લોગો ડોગી છે.
આ બદલાવ અંગે મસ્કે ટ્વીટ પણ કર્યું છે. વાસ્તવમાં, સોમવાર રાતથી, વપરાશકર્તાઓને તેમના ટ્વિટર એકાઉન્ટ પર વાદળી પક્ષીની જગ્યાએ કૂતરો જોવાનું શરૂ થયું. આ લોગો જોઈને યુઝર્સ આશ્ચર્યચકિત થઈ ગયા.
જણાવી દઈએ કે ઈલોન મસ્ક અગાઉ પણ ડોગી વિશે સંકેતો આપી ચૂક્યા છે. તેણે આ વર્ષે ફેબ્રુઆરીમાં એક ફોટો ટ્વીટ કર્યો હતો. તેના કેપ્શનમાં મસ્કે લખ્યું, “ટ્વિટરના નવા સીઈઓ શાનદાર છે.”
તમને જણાવી દઈએ કે, ટ્વિટરનો જૂનો લોગો જુલાઈ 2006માં લોન્ચ કરવામાં આવ્યો હતો. તેની સ્થાપના જેક ડોર્સી, નોહ ગ્લાસ, ઇવાન વિલિયમ્સ અને બિઝ સ્ટોન દ્વારા કરવામાં આવી હતી. ટ્વિટરના સ્થાપકોએ કહ્યું કે તે એક લાઉડ સ્પેસ પ્લેટફોર્મ છે અને પક્ષીને શાંતિનું પ્રતીક માનવામાં આવે છે. એટલા માટે તેનો લોગો આવો રાખવામાં આવ્યો હતો. આ વાદળી પક્ષીનું નામ લેરી ટી બર્ડ છે. જેનું નામ પ્રખ્યાત બાસ્કેટબોલ ખેલાડી લેરી બર્ડના નામ પરથી રાખવામાં આવ્યું હતું.
