બેંક હડતાલઃ બેંકમાં જો તમારી પાસે કોઈ અગત્યનું કામ હોય તો તેનો વહેલામાં વહેલી તકે નિકાલ કરો. કારણ કે શનિવારથી સતત ચાર દિવસ બેંકના કામકાજને અસર થશે. જ્યાં શનિવાર અને રવિવારની સાપ્તાહિક રજાના કારણે બેંકમાં કોઈ કામકાજ રહેશે નહીં. સાથે જ સોમવાર અને મંગળવારે બેંક યુનિયનની હડતાળના કારણે કામકાજને અસર થશે.
દેશની સૌથી મોટી સ્ટેટ બેંક ઓફ ઈન્ડિયા વતી કહેવામાં આવ્યું છે કે બેંક યુનિયનની હડતાળને કારણે 28 માર્ચ અને 29 માર્ચે બેંકના કામકાજને અસર થશે. તમને જણાવી દઈએ કે, આ હડતાલ ખાનગીકરણના વિરોધમાં કરવામાં આવી રહી છે.
એસબીઆઈ દ્વારા જારી કરવામાં આવેલા નિવેદનમાં કહેવામાં આવ્યું છે કે અમે અમારા શ્રેષ્ઠ પ્રયાસો કરીશું કે આ સમય દરમિયાન ગ્રાહકોને કોઈપણ પ્રકારની સમસ્યાનો સામનો ન કરવો પડે. તમને જણાવી દઈએ કે, આ બે દિવસીય હડતાલની જાહેરાત ઓલ ઈન્ડિયા બેંક એમ્પ્લોઈઝ એસોસિએશન (AIBEA) જેવા સંગઠનો દ્વારા કરવામાં આવી છે.
એપ્રિલમાં બેંક 15 દિવસ બંધ રહેશે
એપ્રિલ મહિનો શરૂ થવાનો છે. એપ્રિલમાં બેંકો 15 દિવસ બંધ રહેશે. રિઝર્વ બેંક ઓફ ઈન્ડિયા (RBI) ની સત્તાવાર વેબસાઈટ પર આપવામાં આવેલી રજાઓની યાદી અનુસાર, બેંકિંગ રજાઓ વિવિધ રાજ્યોમાં ઉજવાતા તહેવારો અથવા તે રાજ્યોમાં વિશેષ પ્રસંગોની સૂચના પર પણ આધાર રાખે છે. આ તમામ રજાઓ તમામ રાજ્યોમાં લાગુ થશે નહીં.
આ પણ વાંચોઃ બેંક હોલિડેઃ એપ્રિલમાં 15 દિવસ બેંકો બંધ રહેશે, વચ્ચે સતત 4 દિવસ સુધી કામ નહીં થાય, જુઓ યાદી
