ઈન્ડિયન પ્રીમિયર લીગ (IPL) 2022 ની શરૂઆતના બે દિવસ પહેલા, ચેન્નાઈ સુપર કિંગ્સ (CSK)ના સ્ટાર ક્રિકેટર મહેન્દ્ર સિંહ ધોનીએ સુકાનીપદેથી રાજીનામું આપવાની જાહેરાત કરી હતી અને રવિન્દ્ર જાડેજાને આ ફ્રેન્ચાઈઝી ટીમનો આગામી કેપ્ટન બનાવવામાં આવ્યો હતો. પાકિસ્તાનના પૂર્વ ક્રિકેટર દાનિશ કનેરિયાનો દાવો છે કે ધોનીએ માત્ર CSKના ભવિષ્ય વિશે જ વિચાર્યું નથી પરંતુ ટીમ ઈન્ડિયાના ભવિષ્ય વિશે વિચારીને આ નિર્ણય લીધો છે.
IANS સાથેની વાતચીત દરમિયાન કનેરિયાએ કહ્યું, ‘આપણે બધા જાણીએ છીએ કે ધોની કેવો ખેલાડી છે. તેના નિર્ણયો હંમેશા સાચા હોય છે. મને લાગે છે કે તે વિશ્વના શ્રેષ્ઠ કેપ્ટનોમાંનો એક છે. તેણે 50 ઓવરનો વર્લ્ડ કપ જીત્યો છે, T20 વર્લ્ડ કપ જીત્યો છે, ચેમ્પિયન્સ ટ્રોફી જીતી છે અને CSKને ચાર વખત IPL ચેમ્પિયન બનાવ્યું છે, આ સિવાય ટીમ ઈન્ડિયાએ તેના મેદાન પરના નિર્ણયોના આધારે ઘણી મેચો જીતી છે.
દિલ્હી કેપિટલ્સને વધુ એક આંચકો લાગ્યો, માર્શનું IPL 2022માં રમવું મુશ્કેલ
તેણે વધુમાં કહ્યું કે, ‘મારું માનવું છે કે તેણે આગળનો વિચાર કરીને જાડેજાને કેપ્ટનશિપ સોંપવાનો નિર્ણય લીધો છે. ટીમ ઈન્ડિયા એક સંતુલિત ટીમ છે અને ત્રણેય ફોર્મેટમાં તેની કેપ્ટનશિપ કરવી સરળ વાત નથી. વિરાટ કોહલીએ પોતાનું કામ ખૂબ સારી રીતે કર્યું, પરંતુ તેણે કેપ્ટનશિપ છોડી દીધી. હવે રોહિત શર્માએ ત્રણેય ફોર્મેટમાં ટીમ ઈન્ડિયાની કેપ્ટનશીપ કરવાની છે. માનો કે ના માનો, પરંતુ ત્રણેય ફોર્મેટમાં ટીમ ઈન્ડિયાની કેપ્ટનશિપ કરવી ખૂબ જ મુશ્કેલ કામ છે.
CSK કેમ્પમાં મોઈન અલીની એન્ટ્રી, ધોનીએ તેનું આ રીતે સ્વાગત કર્યું
કનેરિયાએ વધુમાં કહ્યું કે, ‘આજે નહીં તો આવનારા સમયમાં ટીમ ઈન્ડિયાએ વિભાજિત કેપ્ટનશિપ વિશે વિચારવું પડશે. નહીં તો રોહિત શર્મા દબાણમાં આવી જશે, અને થશે. જો ટીમ ઈન્ડિયાની વાત કરીએ તો એવા કેટલાક ખેલાડીઓ છે, જેમનું ટીમમાં સ્થાન નિશ્ચિત છે, જાડેજા તેમાંથી એક છે. તો આવી સ્થિતિમાં મને લાગે છે કે ધોનીએ ટીમ ઈન્ડિયાના ભવિષ્ય વિશે વિચારીને આ નિર્ણય લીધો છે.
