Vikram Solar IPO News in Gujarati : લગભગ 15 વર્ષની મહેનત પછી, વિક્રમ સોલારે દેશની સૌથી મોટી સોલર મોડ્યુલ મેન્યુફેક્ચરિંગ કંપની બનવામાં સફળતા મેળવી છે. જ્યારે હાર્વર્ડ બિઝનેસ સ્કૂલના સ્નાતકે 2006માં કોલકાતામાં ફેમિલી બિઝનેસ છોડીને નવી ટેક્નોલોજીમાં રોકાણ કરવાનું નક્કી કર્યું, ત્યારે લોકો તેનું મહત્વ સમજી શક્યા ન હતા.
વિક્રમ સોલરના એમડી જ્ઞાનેશ ચૌધરીએ જણાવ્યું હતું કે, “મારે દરરોજ લોકોને સોલર શું છે અને તે કેવી રીતે કામ કરે છે તે સમજાવવું પડતું હતું.” વિક્રમ સોલાર IPO દ્વારા મૂડીબજારમાંથી નાણાં એકત્ર કરવાની યોજના ધરાવે છે. વિક્રમ સોલારે આ માટે માર્કેટ રેગ્યુલેટર સેબી (સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા) પાસે પેપર ફાઈલ કર્યા છે.
ભાગ કોણ વેચે છે?
વિક્રમ સોલરના જણાવ્યા અનુસાર, કંપની આ IPO દ્વારા 1500 કરોડ રૂપિયાના નવા શેર ઇશ્યૂ કરવા જઈ રહી છે. આ સિવાય કંપનીના હાલના શેરધારકો ઓફર ફોર સેલ (OFS) દ્વારા 50 લાખ ઈક્વિટી શેર વેચવા જઈ રહ્યા છે. વિક્રમ સોલર આ IPO દ્વારા 10 ટકા હિસ્સો વેચવા માંગે છે, જેમાં અનિલ ચૌધરી 5.24% અને વિક્રમ ઈન્ડિયા લિમિટેડ 4.24% હિસ્સો વેચી રહી છે.
IPOની આવકનું શું થશે?
વિક્રમ સોલર પાસે પશ્ચિમ બંગાળ અને તમિલનાડુમાં 3 ગીગાવોટની ક્ષમતાવાળા બે મેન્યુફેક્ચરિંગ પ્લાન્ટ છે. કંપની મેન્યુફેક્ચરિંગ કેપેસિટી વધારવા માટે IPO દ્વારા એકત્ર કરાયેલા નાણાંનો ઉપયોગ કરવા માંગે છે.
વિક્રમ સોલરનો બિઝનેસ
30 સપ્ટેમ્બર 2021 સુધીમાં, વિક્રમ સોલારે 18.96 કરોડની ખોટ નોંધાવી હતી. માર્ચ 2019માં, વિક્રમ સોલરને 40.8 કરોડનો નફો થયો હતો. 31મી ડિસેમ્બર 2021 સુધીના ઉપલબ્ધ ડેટા મુજબ, વિક્રમ સોલરના પીવી મોડ્યુલના ગ્રાહકો 32 દેશોમાં છે. સપ્ટેમ્બર 2021 સુધીમાં વિક્રમ સોલરનું દેવું 729.41 કરોડ રૂપિયા સુધી પહોંચી ગયું હતું.
વિક્રમ સોલરના ગ્રાહક કોણ છે?
ભારતમાં કંપનીના ગ્રાહકોમાં NTPC, Rays Power Infra, & Energy India, Solar Energy Corporation of India અને Hindustan Petroleum Corporation Ltd નો સમાવેશ થાય છે. વગેરેનો સમાવેશ થાય છે.
કોવિડ કટોકટીની અસર
માર્ચ 2019માં વિક્રમ સોલરની આવક રૂ. 2,031.29 કરોડ હતી, જે સપ્ટેમ્બર 2021માં ઘટીને રૂ. 605 કરોડ થઈ ગઈ છે. કોરોના સંકટને કારણે વિક્રમ સોલરના બિઝનેસ પર મોટી અસર પડી હતી. આ કારણે કંપની ટૂંકા અને લાંબા ગાળાના બિઝનેસ અંદાજો વિશે પણ જણાવી રહી નથી.
