દક્ષિણ કોરિયાની ઈલેક્ટ્રોનિક્સ કંપની સેમસંગ તેના નોઈડા મોબાઈલ ફોન પ્લાન્ટમાં ઉત્પાદનને વધુ સ્પર્ધાત્મક બનાવવા માટે સ્માર્ટ મેન્યુફેક્ચરિંગ ક્ષમતા સ્થાપિત કરશે. કંપનીના મોબાઈલ બિઝનેસના એક ટોચના એક્ઝિક્યુટિવે આ વાત કહી.
ભારતમાં રોકાણની યોજના અંગેના પ્રશ્નના જવાબમાં સેમસંગ ઈલેક્ટ્રોનિક્સના પ્રમુખ અને મોબાઈલ એક્સપિરિયન્સ બિઝનેસના વડા ટીએમ રોહે જણાવ્યું હતું કે કંપની દેશમાં R&D કેન્દ્રોમાં રોકાણ કરવાનું ચાલુ રાખશે. “અમે અહીં નોઇડામાં સ્માર્ટ અને કાર્યક્ષમ સુવિધાઓ લાવવા માટે રોકાણ કરવાનું ચાલુ રાખીશું,” રોહે કહ્યું. અમે માનીએ છીએ કે સ્માર્ટ ફેક્ટરીમાં અમારું રોકાણ ઉત્પાદનને સ્પર્ધાત્મક બનાવશે.”
કંપનીએ 1996 માં ભારતમાં ઉત્પાદન, સંશોધન અને વિકાસ કેન્દ્રો શરૂ કર્યા હતા અને દેશમાં આશરે 70,000 કર્મચારીઓ છે. નોઇડામાં આવેલો પ્લાન્ટ વિશ્વમાં કંપનીની બીજી સૌથી મોટી ઉત્પાદન સુવિધા છે અને બેંગલુરુમાં આવેલ આર એન્ડ ડી સેન્ટર ભારતમાં તેનું સૌથી મોટું છે.
રોહે કહ્યું, “સેમસંગ ઈન્ડિયા ‘મેક ઈન ઈન્ડિયા, મેક ફોર ઈન્ડિયા’ પર ધ્યાન કેન્દ્રિત કરી રહી છે. અમે તેનો ઉપયોગ નિકાસ કેન્દ્ર તરીકે તેમજ સ્થાનિક જરૂરિયાતો પૂરી કરવા માટે કરી રહ્યા છીએ.કંપનીએ આ વર્ષે ભારતમાં તેની મોંઘી Galaxy S23 શ્રેણીનું ઉત્પાદન શરૂ કર્યું છે.
