એર ઈન્ડિયાના વડા કેમ્પબેલ વિલ્સને સોમવારે જણાવ્યું હતું કે ઓપરેશનલ સ્ટાફની અછતને કારણે એરલાઈને યુએસમાં કેટલાક રૂટ પર તેની ફ્લાઈટ્સ અસ્થાયી રૂપે ઘટાડવી પડશે.
કપ્પા ઈન્ડિયા કોન્ફરન્સમાં એર ઈન્ડિયાના મેનેજિંગ ડાયરેક્ટર અને ચીફ એક્ઝિક્યુટિવ ઓફિસર (CEO) વિલ્સને જણાવ્યું કે આમાં, નેવાર્કની ત્રણ અને સાન ફ્રાન્સિસ્કોની ત્રણ સહિત યુએસની છ સાપ્તાહિક ફ્લાઈટ્સ ઘટાડવામાં આવશે.
તેમણે માહિતી આપી હતી કે બોઇંગ 777 ઉડાવવા માટે 100 પાઇલોટ્સને તાલીમ આપવામાં આવી રહી છે, ઉપરાંત લગભગ 1,400 ક્રૂ કર્મચારીઓની તાલીમ પણ ચાલી રહી છે. તાજેતરના મહિનાઓમાં ક્રૂ સભ્યોની અછતને લીધે કેટલીક લાંબા અંતરની ફ્લાઇટ્સ પર અસર થઈ છે. એર ઈન્ડિયાના ચીફ વિલ્સને કહ્યું કે કર્મચારીઓની અછતને કારણે અમેરિકાના કેટલાક રૂટ પર ફ્લાઈટ્સની આવર્તન ઓછી થશે.
નેવાર્ક અને સાન ફ્રાન્સિસ્કોની સાપ્તાહિક ફ્લાઇટને ઘટાડીને છ કરવામાં આવશે અને આગામી બેથી ત્રણ મહિના સુધી ચાલુ રહેશે. એરલાઇનમાં લગભગ 11,000 કર્મચારીઓ કામ કરે છે.
