બોલિવૂડ ઈન્ડસ્ટ્રીમાં દરેક સ્ટાર્સના લિન્ક-અપ અને લગ્નના સમાચાર આવતા રહે છે. આમાંથી એક નામ અભિનેત્રી અથિયા શેટ્ટીનું છે . આથિયા શેટ્ટી અને ક્રિકેટર કેએલ રાહુલ લાંબા સમયથી એકબીજાને ડેટ કરી રહ્યાં છે. આ કપલના લગ્નના સમાચાર આવતા રહે છે. ફરી એકવાર આથિયા શેટ્ટી અને કેએલ રાહુલના લગ્નને લઈને એક નવું અપડેટ સામે આવ્યું છે. લેટેસ્ટ મીડિયા રિપોર્ટમાં કહેવામાં આવી રહ્યું છે કે આ કપલે વર્ષ 2023ના જાન્યુઆરી મહિનામાં તેમના લગ્નની તારીખ ફાઈનલ કરી લીધી છે.
આથિયા શેટ્ટી અને કેએલ રાહુલ જાન્યુઆરી 2023માં લગ્ન કરશે
‘અહેવાલ મુજબ, આથિયા શેટ્ટી અને કેએલ રાહુલના લગ્નના કાર્યક્રમો 21 થી 23 જાન્યુઆરીની વચ્ચે યોજાશે. સુનીલ શેટ્ટી અને માના શેટ્ટીની પુત્રી આથિયા શેટ્ટી અને કેએલ રાહુલ જાન્યુઆરીના ચોથા સપ્તાહમાં લગ્નના બંધનમાં બંધાઈ જશે. કપલના લગ્નમાં પરિવાર અને નજીકના મિત્રો હાજરી આપશે. રિપોર્ટમાં જણાવવામાં આવ્યું છે કે અથિયા શેટ્ટી અને કેએલ રાહુલ ડિસેમ્બરના અંત સુધીમાં આમંત્રણ મોકલવા જઈ રહ્યા છે અને 21 થી 23 જાન્યુઆરીની તારીખ લોક કરવા માટે વાત કરશે. આ કપલના લગ્નને હવે ગણતરીના દિવસો બાકી છે, તેથી તૈયારીઓ જોરશોરથી ચાલી રહી છે. આ બંનેના લગ્ન દક્ષિણ ભારતીય જેવા થવા જઈ રહ્યા છે, જેમાં હલ્દી, મહેંદી અને સંગીત જેવા કાર્યક્રમો થશે. જો કે, આથિયા શેટ્ટી અને કેએલ રાહુલે લગ્ન અંગે ટિપ્પણી કરવાનો ઇનકાર કર્યો છે.
આથિયા શેટ્ટી અને કેએલ રાહુલના સંબંધો
આથિયા શેટ્ટી અને કેએલ રાહુલ છેલ્લા ત્રણ વર્ષથી એકબીજાને ડેટ કરી રહ્યાં છે. ગયા વર્ષે આથિયા શેટ્ટી તેના ભાઈ અહાન શેટ્ટીની ફિલ્મ ‘ટડપ’ ના સ્ક્રિનિંગમાં બોયફ્રેન્ડ કેએલ રાહુલ સાથે હાજર રહી ત્યારે બંનેએ તેમના સંબંધોને અધિકૃત કર્યા હતા. આથિયા શેટ્ટી અવારનવાર બોયફ્રેન્ડ કેએલ રાહુલ સાથે તેના ઇન્ટરનેશનલ ક્રિકેટ ટૂર પર જાય છે. વર્ક ફ્રન્ટની વાત કરીએ તો આથિયા શેટ્ટીએ વર્ષ 2015માં ફિલ્મ ‘હીરો’થી બોલિવૂડમાં ડેબ્યૂ કર્યું હતું. આ ફિલ્મમાં તેની સાથે સૂરજ પંચોલી હતો. આથિયા શેટ્ટી છેલ્લે વર્ષ 2019માં રિલીઝ થયેલી ફિલ્મ ‘મોતીચૂર ચકનાચૂર’માં નવાઝુદ્દીન સિદ્દીકી સાથે જોવા મળી હતી.
