કંપની ટૂંક સમયમાં નવી જનરેશન બ્રેઝા લોન્ચ કરશે, જેમાં એક્સટીરીયર અને ઈન્ટીરીયર અપગ્રેડ સિવાય એન્જીન બદલી શકાશે. તેમાં CNG કિટથી લઈને સનરૂફ અને 360 ડિગ્રી કેમેરા જેવા ફીચર્સ હશે.
મારુતિ સુઝુકી ટૂંક સમયમાં જ ભારતીય બજારમાં તેના અપડેટેડ અર્ટિગા અને XL6 વાહનો લૉન્ચ કરવા જઈ રહી છે. આ બંને મોડલ પછી, કંપની નવી જનરેશન બ્રેઝા લોન્ચ કરશે, જેમાં એક્સટીરિયર અને ઈન્ટીરીયર અપગ્રેડ સિવાય એન્જિનમાં ફેરફાર કરી શકાશે. રિપોર્ટ અનુસાર, 2022 મારુતિ બ્રેઝાને 1.5 લિટર K15 નેચરલી એસ્પિરેટેડ પેટ્રોલ એન્જિન સાથે લાવવામાં આવી શકે છે. નવું એન્જિન લગભગ 115bhp પાવર જનરેટ કરશે, જે વર્તમાન 104bhp એન્જિન કરતાં થોડું વધારે પાવરફુલ છે.
એટલું જ નહીં, એવું પણ કહેવામાં આવી રહ્યું છે કે કંપની નવી બ્રેઝાને ફેક્ટરી ફીટેડ CNG કિટ સાથે ઓફર કરી શકે છે. CNGને કારણે તેની ઇંધણ કાર્યક્ષમતા નોંધપાત્ર રીતે વધશે, જોકે તેની શક્તિ અને ટોર્ક ઘટશે. તેના એન્જિનને 5-સ્પીડ મેન્યુઅલ અને 6-સ્પીડ ટોર્ક કન્વર્ટર ઓટોમેટિક સાથે જોડવામાં આવશે. હાલમાં, તે મેન્યુઅલ તેમજ 4-સ્પીડ AT સાથે ઓફર કરવામાં આવે છે. નવું ઓટોમેટિક ટ્રાન્સમિશન એડવાન્સ ટેક્નોલોજી, સ્પોર્ટ મોડ, મેન્યુઅલ શિફ્ટ વિકલ્પ સાથે આવશે.
વર્તમાન મોડલની તુલનામાં, નવી 2022 મારુતિ બ્રેઝા વધુ અદ્યતન સુવિધાઓ સાથે ઓફર કરવામાં આવશે. SUVમાં સનરૂફ, 360-ડિગ્રી પાર્કિંગ કેમેરા અને પેડલ શિફ્ટર હશે. ટચસ્ક્રીન ઇન્ફોટેનમેન્ટ સિસ્ટમને 9.0-ઇંચની સાઇઝમાં વધારવામાં આવશે, જે વાયરલેસ Apple CarPlay અને Android Auto કનેક્ટિવિટીને સપોર્ટ કરી શકે છે. આ સિવાય વાયરલેસ ચાર્જિંગ સિસ્ટમ, એક નવું ઈન્સ્ટ્રુમેન્ટ કન્સોલ, ઓટોમેટિક એસી યુનિટ, 6 એરબેગ્સ, ઈલેક્ટ્રોનિક સ્ટેબિલિટી પ્રોગ્રામ (ESP) જેવા ફીચર્સ નવી બ્રેઝામાં આપવામાં આવી શકે છે.
