કૃતિ સેનન અને પ્રભાસના લગ્નને લઈને સોશિયલ મીડિયા પર દરેક પ્રકારના સમાચારો ચાલી રહ્યા હતા, જેનો અભિનેત્રીએ પોતાની એક ઈન્સ્ટા પોસ્ટ દ્વારા અંત લાવી દીધો છે. કૃતિ સેનનની પર્સનલ લાઈફ વિશે વરુણ ધવને એક રિયાલિટી શોમાં કહ્યું હતું કે તે પ્રભાસને ડેટ કરી રહી છે. વરુણના મજાકિયા નિવેદને અટકળોની એક આખી નવી શ્રેણીને જન્મ આપ્યો અને હવે કૃતિએ આ અહેવાલોને નકારી કાઢ્યા છે.
કૃતિ
સેનને એક ઇન્સ્ટા સ્ટોરી દ્વારા જણાવ્યું છે કે, આ પ્રકારના અહેવાલો સંપૂર્ણપણે પાયાવિહોણા છે. વાત જાણે એમ છે કે વરુણ ધવન અને કૃતિ સેનન ફિલ્મ ‘ભેડિયા’માં સાથે કામ કરી ચૂક્યા છે. આ સાથે જ તેણે પ્રભાસ સાથે કૃતિ સેનનની ફિલ્મ ‘આદિપુરુષ’માં કામ કર્યું છે. આ જ કારણ હતું કે વરુણ ધવનની વાતો પર લોકોએ તરત વિશ્વાસ કરી લીધો.
કૃતિ સેનને લખ્યું, ‘આ ન તો પ્રેમ છે કે ન તો પીઆર. એક રિયાલિટી શોમાં અમારો ‘વુલ્ફ’ (વરુણ ધવન) થોડો વધારે પડતો વાઇલ્ડ બની ગયો હતો. તેમના મજાકિયા નિવેદને અફવાઓને જન્મ આપ્યો હતો. કોઈ પણ ન્યૂઝ પોર્ટલ મારા લગ્નની તારીખ જાહેર કરે તે પહેલાં, હું આ બબલને ફોડીને વાતચીત પૂરી કરું છું. ‘
કૃતિ સેનને લખ્યું
, “આ અફવાઓ સંપૂર્ણપણે પાયાવિહોણી છે. અભિનેત્રીએ હાથ જોડીને ઇમોજી બનાવીને આ ઇન્સ્ટા સ્ટોરી શેર કરી છે અને સ્પષ્ટ કરી દીધું છે કે તેના અને પ્રભાસના સંબંધો વિશેની ખબરો સંપૂર્ણપણે પાયાવિહોણી છે.
