સેન્સેક્સની ટોચની 10 કંપનીઓમાંથી પાંચની માર્કેટ મૂડી (માર્કેટ કેપ) ગયા સપ્તાહે સામૂહિક રીતે રૂ. 86,447.12 કરોડ ઘટી હતી. ઈન્ફોસિસ, ટાટા કન્સલ્ટન્સી સર્વિસિસ (TCS) અને સ્ટેટ બેન્ક ઓફ ઈન્ડિયા (SBI)ને સૌથી વધુ નુકસાન થયું છે.
ગયા અઠવાડિયે બીએસઈના 30 શેરોવાળા સેન્સેક્સમાં 462.8 પોઈન્ટ અથવા 0.79 ટકાનો ઘટાડો થયો હતો. સમીક્ષા હેઠળના સપ્તાહમાં રિલાયન્સ ઇન્ડસ્ટ્રીઝ, TCS, HDFC બેન્ક, ઇન્ફોસિસ અને SBIના માર્કેટ વેલ્યુએશનમાં ઘટાડો થયો હતો. બીજી તરફ ICICI બેન્ક, હિન્દુસ્તાન યુનિલિવર, ITC, HDFC અને ભારતી એરટેલની બજાર સ્થિતિ વધી હતી. ઇન્ફોસિસનું માર્કેટ કેપિટલાઇઝેશન ગયા સપ્તાહે રૂ. 25,217.2 કરોડ ઘટીને રૂ. 5,72,687.97 કરોડ થયું હતું.
SBIનું માર્કેટ વેલ્યુએશન રૂ. 21,062.08 કરોડ ઘટીને રૂ. 4,51,228.38 કરોડ થયું હતું. TCSનું માર્કેટ કેપ રૂ. 21,039.55 કરોડ ઘટીને રૂ. 11,42,154.59 કરોડ થયું છે.
રિલાયન્સ ઇન્ડસ્ટ્રીઝનું માર્કેટ કેપિટલાઇઝેશન રૂ. 13,226.53 કરોડ ઘટીને રૂ. 14,90,775.40 કરોડ અને HDFC બેન્કનું માર્કેટકેપ રૂ. 5,901.76 કરોડ ઘટીને રૂ. 8,71,416.33 કરોડ થયું હતું. વલણથી વિપરીત, ICICI બેન્કનું માર્કેટ કેપ રૂ. 10,905.18 કરોડ વધીને રૂ. 5,94,888.25 કરોડ થયું હતું.
હિન્દુસ્તાન યુનિલિવરની માર્કેટ મૂડી રૂ. 7,542.19 કરોડ વધીને રૂ. 5,82,816.11 કરોડ અને ITCની માર્કેટ મૂડી રૂ. 3,664.01 કરોડ વધીને રૂ. 4,70,360.22 કરોડ થઈ હતી. ભારતી એરટેલનું માર્કેટ વેલ્યુએશન રૂ. 2,787.57 કરોડ વધીને રૂ. 4,24,964.64 કરોડ થયું હતું.
HDFCનું માર્કેટ કેપ રૂ. 384.89 કરોડ વધીને રૂ. 4,69,845.34 કરોડ થયું હતું. ટોચની 10 કંપનીઓમાં રિલાયન્સ ઇન્ડસ્ટ્રીઝે પ્રથમ સ્થાન જાળવી રાખ્યું છે. તે પછી અનુક્રમે TCS, HDFC બેન્ક, ICICI બેન્ક, હિન્દુસ્તાન યુનિલિવર, ઇન્ફોસિસ, ITC, HDFC, SBI અને ભારતી એરટેલનો નંબર આવે છે.
