T20 ક્રિકેટમાં સૌથી વધુ સિક્સ: રોયલ ચેલેન્જર્સ બેંગ્લોરે IPL 2022 ની 49મી મેચમાં ચેન્નાઈ સુપર કિંગ્સને 13 રને હરાવીને સિઝનની તેમની છઠ્ઠી જીત નોંધાવી. બેંગ્લોરની આ જીતમાં વિરાટ કોહલી, કેપ્ટન ફાફ ડુ પ્લેસિસ, મહિપાલ લોમરોર અને દિનેશ કાર્તિક જેવા બેટ્સમેનોએ મહત્વની ભૂમિકા ભજવી હતી. આ મેચમાં કિંગ કોહલીએ 33 બોલમાં 30 રન બનાવ્યા હતા. ઓપનિંગમાં આવેલા કોહલીએ પોતાની ઇનિંગ દરમિયાન ત્રણ ફોર અને એક સિક્સર ફટકારી હતી. આ એક સિક્સરના આધારે કિંગ કોહલી હવે ભારતનો બીજો સિક્સર કિંગ બની ગયો છે.
કોહલી હવે T20 ક્રિકેટના ઈતિહાસમાં સૌથી વધુ સિક્સર મારનાર બીજો ભારતીય ખેલાડી બની ગયો છે. તેણે આ મામલે સુરેશ રૈનાનો રેકોર્ડ તોડ્યો છે. આ પહેલા, રૈના T20 ક્રિકેટના ઈતિહાસમાં સૌથી વધુ સિક્સર મારનાર બીજો ભારતીય ખેલાડી હતો. કોહલીએ 2007થી અત્યાર સુધી 336 મેચની 319 ઇનિંગ્સમાં 325 સિક્સર ફટકારી છે. RCB અને ટીમ ઈન્ડિયાના પૂર્વ કેપ્ટન વિરાટ T20 ક્રિકેટમાં સૌથી વધુ સિક્સ મારનાર વિશ્વનો 23મો ખેલાડી બની ગયો છે. આ મામલામાં રોહિત વિશ્વનો સાતમો બેટ્સમેન છે.
રૈનાએ પણ આટલી જ મેચોમાં 325 સિક્સ ફટકારી છે, પરંતુ હવે વિરાટે તેને પાછળ છોડી દીધો છે. ભારતને બે વર્લ્ડ કપ જીતાડનાર પૂર્વ ભારતીય કેપ્ટન અને વિશ્વના શ્રેષ્ઠ ફિનિશર મહેન્દ્ર સિંહ ધોનીએ અત્યાર સુધી 356 મેચમાં 310 સિક્સર ફટકારી છે. ધોની હવે T20 ક્રિકેટના ઈતિહાસમાં સૌથી વધુ છગ્ગા મારનાર ચોથો ભારતીય ખેલાડી બની ગયો છે.
રોહિત શર્મા સૌથી વધુ છગ્ગા સાથે ભારતીય
ટીમ ઈન્ડિયાનો વર્તમાન કેપ્ટન રોહિત શર્મા T20 ક્રિકેટના ઈતિહાસમાં સૌથી વધુ સિક્સર મારનાર ભારતીય બેટ્સમેન છે. રોહિતે અત્યાર સુધી 379 મેચની 366 ઇનિંગ્સમાં 429 સિક્સર ફટકારી છે. તે જ સમયે, વિશ્વમાં T20 ક્રિકેટના ઈતિહાસમાં સૌથી વધુ સિક્સર ફટકારવાનો રેકોર્ડ આજે પણ ‘યુનિવર્સ બોસ’ ક્રિસ ગેલના નામે છે. ગેલે અત્યાર સુધી 463 મેચની 453 ઇનિંગ્સમાં 1056 સિક્સર ફટકારી છે.
