વડા પ્રધાન નરેન્દ્ર મોદીએ ગુરુવારે જણાવ્યું હતું કે તેઓ સેમિકન્ડક્ટર કંપની NXPના ચીફ એક્ઝિક્યુટિવ ઓફિસર કર્ટ સિવર્સને મળ્યા હતા અને સેમિકન્ડક્ટર અને નવીનતાની દુનિયામાં બદલાતા લેન્ડસ્કેપ પર ચર્ચા કરી હતી. આ મીટિંગ આ અઠવાડિયાની શરૂઆતમાં થઈ હતી.
NXP એ મંગળવારે ટ્વિટ કર્યું કે તેના CEO સિવર્સે વડાપ્રધાન મોદીને મળ્યા અને ભારતમાં સેમિકન્ડક્ટર સેક્ટરને મજબૂત કરવા, STEM (સાયન્સ, ટેક્નોલોજી, એન્જિનિયરિંગ અને મેથેમેટિક્સ) વર્કફોર્સ અને સ્ટાર્ટઅપ ઇકોસિસ્ટમ વિકસાવવા અંગે ચર્ચા કરી.
કંપનીએ આમાં જણાવ્યું હતું કે, “અમે ટેક્નોલોજી સોલ્યુશન્સ દ્વારા નવીનતા અને સકારાત્મક પરિવર્તન માટે પ્રતિબદ્ધ છીએ.”
વડાપ્રધાન મોદીએ NXPના ટ્વીટને ટેગ કરીને લખ્યું કે, “NXPના CEO કર્ટ સિવર્સને મળીને આનંદ થયો. સેમિકન્ડક્ટર્સ અને ઇનોવેશનની દુનિયામાં બદલાતા લેન્ડસ્કેપ વિશે તેમની સાથે વાત કરી.
તેમણે કહ્યું કે ભારત આ ક્ષેત્રોમાં એક મહત્વપૂર્ણ શક્તિ તરીકે ઉભરી રહ્યું છે જેને આપણા પ્રતિભાશાળી યુવાનોથી બળ મળી રહ્યું છે.
