આખી દુનિયાની જેમ અમેરિકાના લોકો પણ મોંઘવારીથી પરેશાન છે. ફુગાવાને રોકવા માટે અમેરિકાની સેન્ટ્રલ બેન્ક ફેડરલ રિઝર્વ વ્યાજદરમાં વધારો કરી રહી છે. બેન્ક ઓફ અમેરિકાનું કહેવું છે કે વ્યાજદરમાં વધારાની અસર આવતા વર્ષના પ્રારંભથી દેખાવા લાગશે. દર મહિને લગભગ 1,75,000 લોકોને બેરોજગાર થવાનું જોખમ રહે છે. સપ્ટેમ્બરમાં અમેરિકામાં જોબ માર્કેટ મજબૂત રહ્યું હતું, પરંતુ આ સ્થિતિમાં ટૂંક સમયમાં બદલાવ આવી શકે છે. ફેડ રિઝર્વ જે આક્રમક રીતે વ્યાજના દરમાં વધારો કરી રહ્યું છે તે ટૂંક સમયમાં દરેક વસ્તુની માંગને અસર કરી શકે છે.
બેન્ક ઓફ અમેરિકાએ શુક્રવારે એક રિપોર્ટમાં જણાવ્યું હતું કે વર્ષના ચોથા ત્રિમાસિક ગાળામાં જોબ ગ્રોથ અડધો રહી શકે છે. ફેડ રિઝર્વના ફુગાવા સામેના પગલાંને કારણે આગામી વર્ષની શરૂઆતમાં બિનખેતી ક્ષેત્રની નોકરીઓ પર સંકટ આવી શકે છે. આના કારણે પ્રથમ ત્રિમાસિકમાં દર મહિને લગભગ 1,75,000 નોકરીઓ ઘટી શકે છે. રિપોર્ટ મુજબ 2023માં આખા વર્ષ દરમિયાન લોકોની નોકરી જઈ શકે છે.
યુ.એસ.માં બેરોજગારી.
બેંક ઓફ અમેરિકાના યુએસ ઇકોનોમિક્સના વડા માઇકલ ગેપને જણાવ્યું હતું કે મંદી આવતા વર્ષના પ્રથમ છમાસિક ગાળામાં શરૂ થઈ શકે છે, એમ સીએનએનના અહેવાલમાં જણાવાયું છે. ગયા શુક્રવારે ડેટા અનુસાર, જોબ્સ માર્કેટ ધીમું હોવા છતાં સપ્ટેમ્બરમાં અમેરિકાએ 263,000 નોકરીઓ ઉમેરી હતી. દેશમાં બેરોજગારીનો દર 3.5 ટકા છે, જે 1969 પછીનો સૌથી નીચો સ્તર છે. પરંતુ ગપ્પાનનું કહેવું છે કે આગામી એક વર્ષમાં દેશમાં બેરોજગારીનો દર 5થી 5.5 ટકા સુધી પહોંચી શકે છે. જોકે ફેડને આશા છે કે આવતા વર્ષે તે 4.4 ટકા રહેશે.
ફુગાવાને અંકુશમાં લેવા માટે ફેડ રિઝર્વ છેલ્લા ચાર દાયકામાં સૌથી ઝડપી ગતિએ વ્યાજના દરમાં વધારો કરી રહ્યું છે. ફેડ રિઝર્વના અધિકારીઓનું કહેવું છે કે, તેમનું લક્ષ્ય મોંઘવારી પર અંકુશ રાખવાનું છે, પછી ભલેને અર્થતંત્ર મંદીમાં ફસાઈ જાય. ગેપને જણાવ્યું હતું કે મજૂર બજાર છ મહિના સુધી નબળું રહી શકે છે. જો કે સારી વાત એ છે કે દરેક વ્યક્તિ માને છે કે બેરોજગારીનો દર 2020 કે 2008 જેવો નહીં હોય તેવું સૌ કોઇ માને છે. એપ્રિલ 2020માં દેશમાં બેરોજગારીનો દર 15 ટકા સુધી પહોંચી ગયો હતો.
