83
યુએસ ડૉલરની મજબૂતી અને વિદેશમાં ક્રૂડ ઓઇલના ભાવમાં વધારો વચ્ચે બુધવારે શરૂઆતના કારોબારમાં અમેરિકી ડૉલર સામે રૂપિયો 10 પૈસા ઘટીને 82.26 થયો હતો. જોકે, શરૂઆતના વેપારમાં સ્થાનિક ઈક્વિટી માર્કેટમાં તીવ્ર નુકસાને રૂપિયાના નુકસાનને મર્યાદિત કર્યું હતું.
બુધવારે ઇન્ટરબેંક ફોરેન એક્સચેન્જ માર્કેટમાં રૂપિયો 82.26 પર ખુલ્યો હતો. મંગળવારે અમેરિકન ડોલર સામે રૂપિયો 82.16 ના સ્તર પર બંધ થયો હતો. દરમિયાન, ડૉલર ઇન્ડેક્સ, જે છ મુખ્ય કરન્સીની બાસ્કેટ સામે યુએસ ડૉલરની સ્થિતિ દર્શાવે છે, તે 0.15 ટકા વધીને 102.58 પર પહોંચ્યો હતો.
વૈશ્વિક ઓઇલ બેન્ચમાર્ક બ્રેન્ટ ક્રૂડ ફ્યુચર્સ 0.19 ટકા વધીને બેરલ દીઠ $78.80 પર છે. શેરબજારના કામચલાઉ ડેટા અનુસાર, વિદેશી સંસ્થાકીય રોકાણકારો (FII)એ મંગળવારે રૂ. 1,531.13 કરોડના શેરની ખરીદી કરી હતી.
