રિન્યુએબલ એનર્જી સોલ્યુશન્સ પ્રદાતા સુઝલોન ગ્રુપને અપ્રવા એનર્જી તરફથી 300 મેગાવોટના પવન ઉર્જા પ્રોજેક્ટ માટે કોન્ટ્રાક્ટ મળ્યો છે. કંપનીએ આ જાણકારી આપી.
કંપની દ્વારા જારી કરાયેલા નિવેદન અનુસાર, સુઝલોન કર્ણાટકમાં ગ્રાહકની સાઇટ પર હાઇબ્રિડ લેટીસ ટ્યુબ્યુલર (HLT) ટાવર અને 100 વિન્ડ ટર્બાઇન જનરેટર (WTG) ઇન્સ્ટોલ કરશે.
સુઝલોન ગ્રૂપને અપ્રવા એનર્જી પ્રાઈવેટ લિમિટેડ માટે 300 મેગાવોટનો પવન ઊર્જા પ્રોજેક્ટ વિકસાવવા માટેનો કોન્ટ્રાક્ટ આપવામાં આવ્યો છે, એમ નિવેદનમાં જણાવાયું છે.
સુઝલોન ગ્રૂપના વાઇસ ચેરમેન ગિરીશ તંતીએ એક નિવેદનમાં જણાવ્યું હતું કે કંપનીએ અગાઉ અપ્રવા સાથે કામ કર્યું છે અને ફરી એકવાર તેની સાથે જોડાઈને ખુશ છે.
અપ્રવા એનર્જીના મેનેજિંગ ડિરેક્ટર રાજીવ રંજન મિશ્રાએ જણાવ્યું હતું કે, “અમે સુઝલોન સાથે સતત ભાગીદારીની આશા રાખીએ છીએ. અમે તેમની કુશળતા, સમૃદ્ધ અનુભવ અને શ્રેષ્ઠ-વર્ગના સ્વદેશી ઉકેલોથી લાભ મેળવીશું.”
કોન્ટ્રાક્ટ મળ્યા બાદ સુઝલોન એનર્જીનો શેર ઉછાળો
ગ્રુપને કોન્ટ્રાક્ટ મળ્યાના સમાચાર બાદ ગ્રુપના શેરમાં પણ તેજી આવી છે. સુઝલોન એનર્જીનો શેર બપોરે 12.50 વાગ્યે 3.37 ટકા અથવા રૂ. 1.25 વધીને રૂ. 38.30 પર ટ્રેડ કરી રહ્યો હતો.
પ્રથમ પ્રકાશિત – ડિસેમ્બર 28, 2023 | 1:05 PM IST
