માઈક્રોબ્લોગિંગ સાઈટ ટ્વિટરના નવા માલિક ઈલોન મસ્કે ટ્વિટર પર વડાપ્રધાન નરેન્દ્ર મોદીને ફોલો કર્યા છે. તમને જણાવી દઈએ કે, મસ્ક માત્ર 195 લોકોને ફોલો કરે છે. જેમાં વિશ્વભરની હસ્તીઓનો સમાવેશ થાય છે.
મસ્ક પોતે એક ટ્વીટમાં આ માહિતી આપી છે કે તેણે ભારતના વડાપ્રધાનને ફોલો કર્યા છે.
એલોન મસ્ક હવે નરેન્દ્ર મોદીને ફોલો કરે છે.@narendramodi,
— ELON ALERTS (@elon_alerts) 10 એપ્રિલ, 2023
તમને જણાવી દઈએ કે, પીએમ મોદી આ સોશિયલ સાઈટ પર સૌથી વધુ ફોલો કરવામાં આવતા નેતાઓમાંથી એક છે. પીએમ મોદીના ટ્વિટર પર ફોલોઅર્સની સંખ્યા 87 મિલિયનથી વધુ છે.
ઈલોન મસ્કના ટ્વિટર પર 133 મિલિયનથી વધુ ફોલોઅર્સ છે. આ પહેલા અમેરિકાના પૂર્વ રાષ્ટ્રપતિ બરાક ઓબામા આ યાદીમાં નંબર વન પર હતા. ઓબામા 2020 થી ટ્વિટર પર સૌથી વધુ ફોલોઅર્સની યાદીમાં ટોચ પર છે.
ટ્વિટર વિશે વાત કરીએ તો, આ માઇક્રોબ્લોગિંગ સાઇટના 450 મિલિયન માસિક સક્રિય વપરાશકર્તાઓ છે. ઑક્ટોબર 2022માં જ્યારે એલોન મસ્કે ટ્વિટરને $44 બિલિયનમાં ખરીદ્યું ત્યારે તેની પાસે 110 મિલિયન યુઝર્સ હતા અને તે બરાક ઓબામા અને જસ્ટિન બીબર પછી ત્રીજા સૌથી વધુ ફોલો કરવામાં આવતા વ્યક્તિ હતા.
